#كلمات_مهرجان_الكنز لـ #توينز_الشظية من ألبوم #ساعة_الصفر
اصحالي وفوق يابرنس هنعبي تقيل مـ السينس
لما نقول جاية الشظية يبقى اللعب للتوينز
الفيلو و #شاعر_الغية والي بيطلع منهم #كنز
حلو الكلام لو كان ف الصح
اصل الكلام المظبوط شح
على طول أفكارنا جديدة
و انت تراب عمال بتكح
متجيش تلعب بالنار وتدلعك وتقولنا أح
يلا نصبح من الاول مش بزعيق ولا تهليل
احنا الليل ويانا بيطول علشان عندنا فن أصيل
#كرموز و #شارع_تمانية #دولة_في_دولة ملهاش مثيل
#الدخيلة أولى مش تانية وعشان ترابها انا أموت قتيل
بنقبل مش بنخاف ابعد لو قلبك خواف
ومتفتيش لو مش فاهم أو كعبك مش لفاف
هتزامل الي بيتلائم اعرف انه هياكلك حاف
واوعى تشارك وتساهم ويا الطماع والحفاف
لو مش فاهم الرجولية هتعيش ع الارض هافية
و اصغر عيل ف الدنيا ياخدك لعبه و تسليه
الراجل الي ميرضاش على نفسه شتيمه أو حتى آذية
لو مات اصلاً مش عاش تفضل سيرته ع الدنيا دي حية
الدنيا دي فيها و فيها ناس من دولا ومن دولا
خلق بتحسد بعنيها و خلق متغاظة ومجنونة
بنحيي شارع_تمانية الي اتولدت فيه الرجولة
وعريسنا #خالد_البيضه كرموز فرحتها مهوله
صاحبك منك من دمك لو مجابتوش حتى أمك
لازم يابني تشيل همه زي مكان بيشيل همك
الصاحب هو الي باقي مش هيفيد خالك ولا عمك
من غير صاحبك هتعاني و الدنيا دي مش هتضمك
هاتلنا بنزين و سبرتو و اقلبها لدربكنات
يا الي ف فرحتنا سهرتوا مش هنرَوَح هنبات
عليلنا الهاي و البيزة و هنرقص ع المجالات
كلنا ف الليلة هنجاملوا ده الدخيلة و كرموز اخوات
والله اخوات
درس و هنعلمهولك اياك تتبرى من أصولك
و اركز وانت بتتكلم و اتمعن و احسب قولك
بلاش تجري على الكيمياء علشان تعرف تصلب طولك
هتعامل الناس بالحب وانت ف شِدة هيدعولك
و ان يوم رقدت ف سرير على باب بيتك هيجولك
#شارع8 دا عيلة ضد الاعــداء والعزال
كعبك عالي اوي يا #دخيلة غضبك يعمل زلزال
الـ فـ كرموز يعمل فلحوس هنحطه فـ نعش ويتشال
يالـي انت بتمسك موس احنا بنمسك قرن غزال
احنا الاساس يا غشامة بنعلم علي ناس ياما
اضرب مقروطة بـ روحين تفرش تعمل دوامة
ملكش فـ الحكايات روح ودي السكينة لمامــا
الصح خلاص بقى عيب ويا الناس العيابة
والحق صبح بيغيب وسط الناس الكدابة
الفار بقي يعمل ديب ويقول دانا ملك الغابة
متقولش الوضع غريب ولا تحس بـ الغرابة
الدنيا بقت تعذيب خلصت منها الطيابة
لو هتقول الترتيب يبقي احنا الاول يابا
يا #توينز اعملوا زعابيب عفروا ع الكل ترابة
نلاعبكوا ومنكوا نقِلوا تتجنوا يلا وتتشَلوا
هنقول #توينز_الشظية دا مفيش تلميذ هنحله
#الفيلو و #شاعر_الغية دايما بيعذبوا كله
#كرموز تفرح وتهيص شارع 8 يفتح مجاله
#خالد_البيضه احلي عريس والناس كلها جياله
افرح يا عريس من حقك فرحك ده النايم يصحالوا
ارضنا ارض العصابات والـ يعادينا يسيح دمه
الباشا #حمادة_الشحات اجمد مسا باسمك يـ #ابو_حمو
ثابتين زي الاوتاد لو فـ الكون بتقوم عواصير
الباشا #التوتي_الشحات #فارس_وخالد دول امامير
ويا دنيا علينا اسألي قبل اما تلعبي بـ النار
ميت ورد عشان #ابو_علي اللورد #سامح_عبدالستار
فـ الوش ومش بنغفل وقمرنا منور ضيه
الجنتل دا #كرم_الجنتل #واياد يابا جنتل زيه
قالوا هو الاصل اكيد #ابو_حمو ده مفيش مثيله
المحترم دا #كريم_عيد عاش الادب فـ الدنيا دليله
قلنا القاهرة المطرية وكمان عذبة معروف
#احمد_السيد #ومحمد_السيد اخوة متعرفش الخوف
الدنيا بحالها تبوظ لما يقوم الاعصار
هنقول فندام كرموز يعني #الحسيني_عبد_الستار
احجز لـ عزولنا تابوت نكسب بـ الذوق والقوة
#اسلام_التوت #وحوده_التوت سيط مجدع برا وجوا
يالـ عيشتكوا عليكوا هاينه متجوش عندنا بـ الذات
هنقول علي #ميدو_جهينة والادارة #ابراهيم_الشحات
كلماتنا يا ناس اساسية جامدين ع الدنيا دهيا
علشان فـ جهتنا الدلوعة #يوسف_احمد_عطية
يابني احنا سُلطة ورتبة والدنيا تهيبنا من زمان
الاسطورة #السيد_خطبة والرجولية #حماده_شعبان
لما احنا يا عم نحارب الكل يزيد ف صريخه
الفارس #محمد_جابر غيط العنب تحلف بتاريخه
نفعل منقولش كلام لو قلنا الكلمة بتمشي
الباشا #عوض_علام والشبح دا #علاء_حبشي
الحضرة ومنشية النزهة دايما ع الدنيا اساس
الباشا الـ مسيطها الباشا #احمد_القزاز
الرجولة عندنا لابتة عالية يابني ومش هابطة
والدخيلة تفضل ثابتا عشان فيها #اسلام_كبدا
حلفت افضل راجل لحد ما انزل قبري
الكنج #اسلام_غرام والمرعب #حمو_صبري
والمسا من #خالد_البيضة علي #غربال و #الباب_الجديد
و #جبل_نعسه الرجالة و #غيط_العنب الرجولة تزيد
هنقولوا علي #المنشية وع #العلواية نعيد ونزيد
وهتختم #الدخلاوية فرحة #خالد_البيضة دي عيد
ليست هناك تعليقات:
إرسال تعليق